اسراار الفيس

السلام عليكم ورحمة الله وبركاته


طبعا كلكم مستعجلين عايزين تعرفوا ايه هي احدث اسرار الفيس بوك
وايه هي اعظم خباياه

وازاي تدخل على اي بروفايل حتى لو صاحبه مش مضاف عندك وعامل حماية خصوصية؟؟

او تتفرج على صور اي حد على الفيس بوك.. حتى لو مش صاحبك برضه
وحتى لو عليها حماية خصوصية برضه؟؟

أو ازاي تجبر اللي بيتجاهلوك انهم يضيفوك.... بالقوة ؟!؟

وازاي تقدر تعرف مين بيشوف البروفايل بتاعك
ومين بيفكرك فيك ؟!؟

وعايز كمان تعرف الستاتس بتاعة اي حد... حتى لو مش متضاف عندك


وحاجات تانية كتيييييييييييييييييييييييييير

بص... من الاخر.... غمض عنيك كده... واحلم
وتخيل اااااااي حاجة... ااااي حاجة
وهتلاقيها هنا ان شاء الله

ولو ملقتهاش... اكتبهالي هنا
وأنا هقولك تعملها ازاي

شوف ياسيدي... اقرا بتركيز عشان تفهم

لن تأخذ من وقتك الكثير..

كرر معيا 3 مرات


من صغره وصغر سنه عارف معنى إنه

من قلبه وروحه مصري والنيل جواه بيجري

بكار


من صغره وصغر سنه عارف معنى إنه

من قلبه وروحه مصري والنيل جواه بيجري

بكار




من صغره وصغر سنه عارف معنى إنه

من قلبه وروحه مصري والنيل جواه بيجري

بكار


أرسل هذا الموضوع الى عشرة اشخاص

وسترى بكار في منامك.. وهو هيقولك على جميع اسرار الفيس بوك


وإذا أرسلت دعوة لأكثر من عشرة
سترى بكار بالألوان.... وهيقولك برضه على جميع اسرار الفيس بوك... وهيقولك كمان ازاي تعرف الباسورد بتاع اي حد على الفيس بوك... وازاي تمسح البروفايل بتاعه خااالص لو عايز

ووقتها... هيجيلك بكار.... ومعاه كابتن ماجد كمان

واحتمال النينجا ترتلز
ومازنجر ومعاه افروديت

وبوجي وطمطم... وفلافيلو

وطبعا... جميع افراد عالم سمسم

وناس تانية كتيير من اللي بنحبهم دول
وكل واحد منهم هيقولنا على سر جديد جدا

ايوة... جديييييييييد جدا جدا جدا
هاااي... انت... ايوة بقولك انت
لا تهمل هذا الموضوع

هذا موضوع جدّي
وإذا لم تنفذ هذا... لن تكتشف اسرار الفيس بوك
وسيكتشفه اصدقائك قبلك
ويتغدوا بيك.. قبل ماتتعشى انت بيهم



شخص ما دخل هذا الموضوع واهمله

فانقطعت عنه قناة سبيس تون
والبروفايل بتاعه اتمسح

شخص آخر نفذ كل اللي فيها بالحرف
فرزق بشريط ميكي ماوس الأصلي
ولقى 200 صديق جديد عنده
ده غير كمية الاسرار اللي عرفها
وبقى من اسياد الفيس بوك دلوقتي



وأرسلت إلى شخص واستهزأ بها
فتحول إلى بوكيمون
واستبدل البروفايل بتاعه ببروفايل حمار بذيلين... وودن واحده والعياذ بالله
.

.

.

.

.

طبعا كل الكلام ده ردا على بعض الخرافات المنتشرة بكثرة بالانترنت عن طريق الايميلات والفيس بوك وغيرها...


يا جماعة فوقوا ... وماتسمحوش لحد يلعب بعقولكم ويستخف بيكم.. ويضحك عليكم

معقول اللي بيحصل ده ؟!؟
وانتوا بتصدقوا كده اي كلام ؟!؟
معقول ؟!؟ الاقي جروب اسمها
"اعرف مين شاف البروفايل بتاعك على الفيس بوك"
والاقي فيه اكتر من 70,000 واحد
وبيزيدوا بمعدل اكتر من 5,000 في اليوم ؟!؟
يعني زمانه دلوقتي عدي الـ 200 الف ولا حاجة


وجروب تاني نفس القصة.. ونفس الارقام !؟؟
وغيره...وغيره....غيره

ولا الايميلات بقى.. يقولك... الهوتميل هيبقى بفلوس... ولو مبعتش الايميل ده لكل اللي عندك.. الايميل بتاعك هيتقفل ومش هيبقى مجانا
والناس تصدق وتبعت لبعضها



ومش بس كده
ده في مواقع وبرامج عشان تقولك مين عاملك بلوك على المسنجر.. أو ازاي تفتح كاميرة اي حد

اه... انا اعترف ان في برامج منها شغالة.. لكن كلهم بياخدوا ايميلك.. وايميلات الناس اللي انت بتكتبها.. ويبعتولهم اعلانات كتييييير... ومش بعيد كمان يبعتولهم اعلانات كأنها جاية منك
والاعلانات دي احيانا تكون حاجات مش كويسة نهائيا


أنا عامله الموضوع دا... كحملة توعية
عايز اصحي الناس وأوعيهم.. واقولهم
"كفاية... حرام"
"كفاية... حرام"
"كفاية... حرام"
"كفاية... حرام"
"كفاية... حرام"


منقول من جروب ع الفيس بوك

هههههههههههههههههههههههههههههههههههههههههههههههههههههههههههههههههههه

جااااااااااااااااااااااااااااامد مووووووووووت ياا ادمن تسلم ايدك يااا جميل