جمعاوى يتحدى الملل
عدد المساهمات : 46
تاريخ التسجيل : 01/07/2010
العمر : 34
 |  موضوع: عمارة يعقوبيان خلت عبده قلقان !!  الجمعة يوليو 02, 2010 12:18 pm | |
| الإنسان المصري اجتماعي بطبعه .. بيحب الزحمة موت وبيعشق اللمة والناس وبما أن ( عبده ) انسان ومصري كمان إذا ( عبده) اجتماعي بطبعه .. بيحب الزحمة موت وبيعشق اللمة والناس ( طبقا لنظرية تفيدة غورث اخت فيثاغورث ) أنا شايف سؤال برئ في عينيكوا السؤال بيقول : ومين يطلع ( عبده ) وليه بيكره عمارة يعقوبيان ؟؟ اجابة السؤال الأول : ( عبده ) هذا هو اسم الدلع بتاع واحد صاحبي اسمه في رقم الجلوس عبدالشكور وهو شاب من شباب الجامعة الأحرار مش صايع وفي نفس الوقت مش مؤدب .. روش على خفيف .. رمرم في أول تيرم لكن لما اتقرص في الامتحانات كره البنات .. ما بيدخنش ولا بيسبرس قابلت ( عبدالشكور ) من يومين .. كان رايح يشوف نتيجة التيرمين .. وطبعا انتم عارفين اخوكم جمعاوي قد ايه حبوب واجتماعيى بطبعه بيحب الزحمة موت وبيعشق اللمة والناس جمعاوي : عبدالشكووووور حبيب قلبي وحشتني ياعسل ( ولسة رايح أسلم عليه وابوسه " صديق بيبوس صديق فيها حاجة دي ! " ) عبدالشكور : عندك خليك مكانك .. اوعى تبوسني ... يمكن يكون قرفان مني عشان انا عرقان شويتين من الحر أو برضه ممكن يكون خايف على وشي من الهبو المقرف اللي بيطلع من بُـقه في الصباح الباكر ... خلاص بلاش بوس جمعاوي : بالحضن ياحبيبي عبدالشكور : لألألأ أنا مواطن شريف .. انا مش بتاع الكلام ده وطلع يجري المهم روحت اشوف النتيجة ورجعت وطبعا مش جمعاوي اللي يدخل بيته وايده فاضية ؟؟ دخلت شايل المادتين بتوع كل تيرم ولسة هادخل أخُـد الدُش بتاع كل تيرم لقيت التليفون بيرن الوو ياجمعاوي معاك عبدالشكور .. انا عارف انك زعلان بس أعمل ايه ياجمعاوي مصر قبل يعقوبيان غير مصر بعد يعقوبيان ياسلام ياخويا يعني علشان فيلم بيتكلم عن قضية يبقى أخلاق الشعب هتتغيّر بالسهوله دى؟ عبد الشكور: فاكر ياجمعاوى مسرحية(مدرسة المشاغبين) مش هى برضه اللى هزّت صورة المدرس وصورة الدكتور فى نظرنا لحد دلوقتى ؟ مش مسلسل العائله هوَّ اللى حسسنا ان كل الناس المتدينة ارهابيين جمعاوي : كلامك ده مش مقنع مصر بلد الأزهر بلد الحضارة مصر هي أمي .. وكمان الريس بتاعنا مربينا أحسن تربية ده حتى عامل وزارة مخصوص عشان التربية والتعليم . عبدالشكور : ياعم انا عارف ان احنا متربيين كويس بس الشباب مكبوت ياعيني لاشغل ولاجواز .. تعرف ترتيب مصر في الدول اللي بتدخل على مواقع سيكو سيكو رقم كام؟! امبارح بعمل بحث على جوجل واكتشفت ان مصر واخدة المركز الأول بين الدول في نسبة الدخول على المواقع الإباحية جمعاوي : آه ياشعب نصه خلبوص والنص التاني سهتان ، بس برضه ياعبدالشكور عمرها ما هتوصل لكدة عبدالشكور : كدة وأبو كدة كمان وأنا على العموم باتصل بيك عشان أديك شوية نصايح هتنفعك في الزمان ده يابني أنصحك تركب تاكسي العاصمة ولو اتزنقت خليك آخر واحد راكب في الأتوبيس . خاف على نفسك ياحلو وقضيها سكاشن وكورسات مع السلامة ياصاحبي وربنا يسترها معانا ومعاك . انتهت المكالمة وانتوا بقى ايه رأيكوا في الموضوع على كلام عبده الواحد فينا هيحتاج يخاف على نفسه ولا عبدالشكور مجعلصها حبتين ودي تهيئات ؟؟! | |
|
Admin
Admin
عدد المساهمات : 92
تاريخ التسجيل : 21/06/2010
الموقع : purelove.hooxs.com
| | موضوع: مييييييييييييييييييييييرسى الأحد يوليو 04, 2010 12:42 am | |
| | |
|
