انا الزعيـــــــــــــــــــــــــــــم جماده

بالروح ..بالدم...نفديك ياحمادة..بالروح..بالدم..نفديك ياحمادة
خبر عاجل:فى انقلاب غير دستورى قام حمادة بالإستيلاء على الحكم أول امبارح العصر يعنى يوم التلات بعد صلاة الجمعة

حمادة:لالالابوش ..أنا زعلان منك خالص ياراجل..إيه ياعم شغل الستات اللى انته عامله ده..أنته جاى تولع المنطقة والا ايه
...وأولمرت يسخن م الناحية التانية..أنا على فكرة ماكنتش ناوى أروح أجيبك م المطار لولا العيبة..أنا برضة قلت ياواد عيب ده فى بلدك برضه وهتبقا فى وشك وانتا صعيدى وهتركب الغلط ولو فاتك هتضطر تستنه الى بعده اه

بوش:بص خبيبى ..أنته هتخاربوا إيران يعنى هتخاربوا إيران

حمادة:نخارب مين ياعم الحج..ده الواد نجاد ده لاسع وما يعرفش أمه..وبعدين ده عنده نووى عارف يعنى ايه نننوى

بوش:أنته بتصدك خبيبى..ده كلام اخنا نكولوا بس..لكن هو كان سيضام أندوا نووى لما نيجاد يبقى أندوا

حمادة:إيه اللى جاب سيرة صدام دلوقتى بس ..ماتسيب الراجل نايم فى حفرتو
بوش:أنا خبيت بس أفكرك..وألا فى خد فيكو يخب ينزل الخفرة
حمادة:حفرة لما تخدك أنته وأمك
بوش:أنته تكول هاجه خمادة
حمادة:أنا أكول ربنا يخليك مستر بوش ويخليك لأمك
بوش:ماتجيبش سيرة الماما بتاع أنا خمادة .....والآ تهب أوريكى شغلك
حمادة:لالا يابشبوش..أنا غير العالم اللى أنته جاى من عندهم خالص..أنا ولا أبويا كان ريس ولا عامل أنقلاب على عمى..أنا
جاى من قاع المجتمع..يعنى مش باكى ع الكرسى..يعى أقوم الصبح أجيب عليه مقص ومشط وأقلبها صالون حلاقة معلش احنا بنتكلم...
بوش: سالون خلاكة دى إيه يا خمادة..أنتى عبيطة..أنتى تخرجى من هنا على مشنكة عدل زى صاخبك صدومه

حمادة:الغرابة بس أنته يابوش طابعك حامى ياأخى ..هو الواحد مايعرفش يتفك معاك بكلمتين..ماشى ياآبه..إيران أيران خليها تخرب
إما أشوف هترسى معاكوا على إيه..بس يكون فى علمك..أنا مش هحرك عسكرى إلا إما تعرقنى..ومش تقولى لما نكسب ولما

نتهبب ..لأ...يعنى توتو على كابوتو

بوش:توتو إيه..وكابوتو إيه ياخمارة إنتى...هو يختل جزر إمارات..إنتى إبعتى جيش يخرر الأمارات

حمادة:يخرر إيه بس الله يقرفك..ع العموم خلاص..اتكل على الله انته دلوقتى شوف وراك ايه وسيبنى عشان عايز أقول بيان للشعب

بيان عاجل:أيها السادة المواطنون لقد تعودنا دوما أن نجلس معا لنتحدث سويا وبصراحة فى أوقات الشدة..لقد دأبت الدولة الأيرانية

على استفزاز جيرانها العرب وكل شوية تهديد وحورات واشتغلات وصوريخ وبومب..ولقد ناشدت حماده الواد نجاد أكثر من مرة..وبعت له أكتر من مسج وبليز كول مى ولما شحن اتصل بيه ..ولكنه كان قافل موبايله وبيستعبط وعامله خارج نطاق الخدمة..لذا فقد كتب علينا أن نقاتل..سنقاتل من أجل اتفاقية الدفاع المشترك..سنقاتل من اجل الدم العربى..سنقاتل إذا كان القتال فريضة وحتى لو مكنش هنقاتل ولا بوش هيخزوقنا والله أكبر والعزة للعرب