حوار شاب فافي مع مامته

اكيد كلنا عارفين ظاهرة الشباب الفافي خصوصا انهم كترو اوي اليومين دول

يعني تلاقي منهم الي بيقلدو البنات ف كل حاجه حتى ف تسريحة الشعر

ما علينا ده حوار ما بين ام ربنا رزقها بواد فافي ومايع ومدلع ع الاخر الله يعينها

والمصيبه انه طالب جامعي تعالو نشوف الحوار الشاب ده اسمه ريكو

ريكو:

حر .... حر...... اف خلاص يا ربي مش طايقه نفسي قصدي مش طايق نفسي تعبان خالص مالص

الام:

ايه يا بيضه مالك ايه الي مخليك تعبان؟؟؟؟يا واد ما تشد حيلك شويه وخليك راجل كده ربنا ياخدك مش عارفه طالع لمين يا منيل

ريكو:

يا ربي انا ايه الي خلاني رجعت البيت ده ما انا كنت قاعد ف الجامعه كويس

الام:

يا واد ده انا لما كنت ف سنك كنت بربي غنك وكنت بربي قطيع زيك كده ع اخر الزمن مش عارفه اربيك انت يا حشرة

ريكو:

يااااااااااااااااااااي يعني ايه غنم يا مامي؟؟؟؟ ايه تقصدي خروف يعني؟؟؟

الام:

ايه يا اخويا مش عارف غنم يعني ايه

ده ابوك لما كان ف سنك كان بيصطاد اسود وكان قلبه جامد مش زيك لو طب عليك عنكبوت تروح فيها

ريكو:

ييييييييييييييييييي مش تجيبيلي سيرة العناكيب بليز جسمي بيقشعر يا مامي

الام:

ده الي يقعد معاك ويسمع كلامك يقول عندك تلات سنين مش عشرين سنه

قوم يا واد انت من قدامي قوم متخلينيش افقد انوثتي وارتكب فيك جريمه

ريكو:

ههههههههههههههههه انوثتك؟؟؟ فين ده؟؟؟؟؟؟ اه اه عارف يا مامي كلك انوثة طبعا

الام:

روح نام نامت عليك حيطه يا بعيد

ريكو:

يا مامي انتي عدوتي كده دايما ليه بتحاولي تحطمي مشاعري واحاسيسي؟؟؟

ليه هو انا مش دلوعتك؟؟؟ قصدي مش دلوعك؟؟؟ هو انا مش ضناكي الي بتخافي عليه؟؟؟

اهئ اهئ اهئ

الام:

خلاص يا روبي متزعلش والله خلاص يا بيضه قطعت قلبي بكلامك ده انا يا حبيبي عاوزاك تبقى راجل كده راجل

شوف اخوك حسين راجل ازي والكل بيخاف منه ده شعر شنبه اكتر من شعر راسك يا منيل مش زيك بيقعد يتمكيج ع المرايه بالساعات

ريكو:

لا ده حسين ده قلبي قاسي اوي انا قلبي رقيق مش بيستحمل

الام:

طيب يا حبيبي هسالك سؤال

ريكو:

اوف كورس مامي اتفضلي

الام:

احنا لو دخل علينا حرامي دلوقتي هتعمل ايه؟؟؟

ريكو:

انا هقف واشده من شعره واقوله عيب عليك كده يا حرامي يا وحش

الام:

لالالالالالالالا !!!! تصدق حرام عليك يا ابو قلب قاسي هتشده من شعره!!!!!!

ريكو:

يس

الام:

ليه هو انت فاكر الحرامي مطول شعره زيك يا باربي ده الحرامي لو جه هيديك ع دماغك ويسرقك وانت واقف زي الاهبل مش هتعمل حاجه

ريكو:

يووووووووووه ... متخوفينيش بقى يا مامي.بصي انا هقوله خد يا حوحو الي انت عاوزة بس سيب هدومي وتشيرتاتي


في هذه اللحظه دخل حسين اخو النونو ريكو


الام:

ابني حبيبي راجلي وعزوتي وسندي

حسين:

ازيك يا امي عامله ايه

الام:

مش كويسه يا حسين اخوك هيجنني

حسين:

تاني يا ريكو؟؟

ريكو:

انا مش عملت حاجه خالص خالص صدقني

الام:

بص يا حسين لو دخل حرامي دلوقتي هتعمل ايه؟؟؟

حسين:

هكسرله ضهره واطحنه واقطع ايده واعلقها ع اول الشارع عشان يكون عبره لغيره

ريكو:

يووووووووووووووه....... نو نو نو نو نو نو نو.......

لا لا لا بلاش الكلام ده مش هعرف انام

نو نو نو......

انا هدخل انام بدل ما اقعد معاكم يا احفاد دراكولا

الام:

يا حسين يا ابني عاوزين ندخل الواد ده الجيش علشان يبقى راجل شويه

حسين:

جيش ايه يا امي. ده لو راح الجيش هيفتكره اليسا بتتمشى قصادهم بلبس العسكريه . بلاش فضايح يا امي

ريكو:

انا سامعكم انا لسه منمتش هاه وعموما يا مامي انا قدمت ف معهد الباليه عشان اتعلم رقص الباليه اوك

الام:

عوض عليا عوض الصابرين يااااااا رب


يا رب الموضوع يعجبكم مستنيه ارائكم