يا عم حسني خف عليا&ابسط حقوقي النور والميه

يا عم حسني خف عليا

ابسط حقوقي النور والميه

ارفع عني ايد الحراميه

وامسح عني دمع عنيا

وكل يوم جاي لنا زياده

مع ان معظم وجباتي ساده

طعم الزفر قربت انساه

وجلال المولى في علاه

انا فعلا قربت انساه

انت ايه العمى صابك

واللا الطرش سد ودانك

وفقدت معاه الاحساس

بالعامه من كل الناس

حس بينا حرام عليك

دا احنا مش لعبه بين ايديك

راح ترحل وتسيب فلوسك

وقطار تاريخنا هيدوسك

بنعترف لك بانجازات

ومدن جديده مليانه عمارات

لكن حاشية الحراميه

بيقسموها ع الوساطات

وسابو سكان القبور

والخرابات والعشوائيات

والسياحه دخلها رايح

على ملاك البازارات والفنادق والمسارح

وانت ولا انت هنا عايش حالم عايش سارح

واحمد نظيف وبطرس غالي وحكومته الي مش ذكيه

كلها حرامية الكترونيه

مسكو النشال النشال الغلبان

وغمضو عن الحوت الثعبان

عز ف عز ف عز ف عز

نازل فينا جز ف جز

وحرمنا من البط وم الوز

ومن كل ما يطيب ويلذ

وبكل بجاحه ووقاحه

اللي بيزعل بيقوله طظ

انت فين يا هم حسني مسمعتش عن سعر الارز

وكل سلعنا الغذائيه

والزيادة المفتريه

علشان العلاوة الجايه

الي يا ريتكو ماقلتو عليها

ولا م الاساس قررتوها

يخرب بيتك وانت وهما

حكومه زباله حكومه رمه

يرحك ايامك يا سادات

يالي خليت الجزار باع لحمته زي الشحات

ورجع يطاطي للقرارات

مش جايبين لحمه بتلاتين

مش عارفين مصدرها منين

ومع ذلك بنحلم بيها

وبنقف طوابير حواليها


يا رب يعجبكم ومستنيه ارئكم

ملحوظه لو جرالي حاجه

متنسونيش بالعيش والحلاوة