احذر يا ريس من الانفجار احسن ده بعده انهيار

احذر يا ريس م الانهيار احسن ده بعده الانفجار

والانفجار بيجيب خراب والخراب بعده الدمار

الحق نفسك بكام قرار حتى ولو كان الفرار

وكفايه كدا بينا استهتار

احنا خلاص الكبت ملكنا وبعد الكبت ماعادش خيار

غير الثورة وقلب نظامك وتعليقكم ع الجدار

وان اخدتنا بيكم رحمه راح نرميكم تحت قطار

ده زيادة الاسعار الجايه هاتكون في نعشك اخر مسمار

الحق نفسك وانفد بجلدك لا تكون لك جرصه على ظهر حمار

وخد معاك كل الحراميه اللي في اقواتنا تجار

عاملين فيها حكومه ذكيه وان الكل فيها شطار

واللا ماعادش تفرق معاكم لانكم عارفين ان انت رايحين النار

طاب خلاص امشو وسيبو لنا فيها شويه من العمار

ومش هانحاسبكم ولا هانعاتبكم

لان حسابكم عند العالي المتعالي الجبار

من قريب كنت بايدكم وع التوريث كنت مشجعكم

لكن ساءت الاحوال كل يوم سئ اخبار وماعادش فيها اسرار

يبقى احسن لك يا عم حسني ارحل وسيب لنا الدار

وكفايه كده علشان اذهب لرحلة العمل والعذاب المسائي

علشان اقدر اجيب لعيالي حتى ولو كيلو خيار

ياكلوه جنب الطعميه في العشاء و في الافطار